breiðdalsá

stórlaxavon í einstædu umhverfi og frábærum aðbúnaði

Meðalveiðin í Breiðdalsá síðastliðinn áratug, er um 250 laxar. Stórlaxavonin er mikil og laxar um og yfir 10 kíló veiðast árlega. Óvíða veiða menn í fallegri á en Breiðdalsá og hliðarám hennar. Umhverfið er stórbrotið og fjallahringur Breiðdalsins á engan sinn líkan. Aðkoma að flestum veiðistöðum er góð enda hefur Veiðifélag Breiðdæla unnið að gerð vegaslóða á hverju ári og má segja að nú sé aðgengi eins gott og frekast má vera. Veiðihúsið Eyjar hefur skipað sér sess með bestu veiðihúsum landsins enda verið mikið í lagt við að tryggja einstæða upplifun.

Ferðamöguleikar eru með bíl í Breiðdalinn eða með flugi til Egilsstaða. Ef menn velja flugið þá er hægt að leigja bíl á Egilsstaðaflugvelli og þaðan eru einungis rúmir 80 km til Breiðdalsár.

Fyrir sumarið 2022 munu Strengir halda óbreyttu verði í Breiðdalsá. Stöngin kostar á bilinu 30.000 – 50.000 krónur á dag og hefur verð farið lækkandi undanfarin ár. Áfram er hægt að kaupa staka daga án fæðis eða gistiskyldu allt sumarið. Við bjóðum upp á ýmsar útfærslur. Hópar sem kaupa allar stangir geta keypt gistingu í Veiðihúsinu Eyjar án fæðis ef þess er óskað. Fæði og gisting kosta kr. 25.000 á mann á dag og er þá boðið upp á einkar glæsilegan matseðil og fyrsta flokks þjónustu. Við gerum tilboð fyrir hópa sem taka allar stangir og er þá hægt að bjóða ódýrara fæði sem samanstendur af einfaldari matseðli.

Eitt glæsilegasta veiðihús landsins

Á bökkum Breiðdalsár, í landi Eyja sem eru neðarlega við ána, er Veiðihúsið Eyjar sem býður upp á eina glæsilegustu gistiaðstöðu á landinu. Átta tveggja manna uppbúinn herbergi, hvert með sér baðherbergi, gervihnattasjónvarpi og internettengingu. Þar af bíður glæsisvíta þeirra sem virkilega kunna að vera góðir við sjálfa sig. Í húsinu er gufubað og þaðan er útgengt í heitan pott. Borðstofa og setustofa eru með konunglegum aðbúnaði þar sem glæsilegur arinn er áberandi ásamt uppstoppuðum fuglum og fiskum á veggjum. Stór verönd er með grilli og góðri aðstöðu til útiborðhalds. Glæsilegt útsýni er yfir Breiðdalsá og einstakan fjallahring Breiðdals frá stofunni og veröndinni.

Myndband

Upplýsingar

Staðsetning: Fjarlægð frá Reykjavík: 615 km. Fjarlægð frá Egilsstöðum: 80 km.

Veiðisvæði: Breiðdalsá ofan Eyjanes og að og með Efri-Beljanda, en svæðið færist ofar er líður á sumarið og verður þá að og með Vonarskarði. Einnig fylgir veiðisvæðinu Tinnudalsá og Norðurdalsá að Móhyl, en síðar upp að Gilsármótum.

Tímabil: 1. júlí – 30. september.

Veiðileyfi: Yfirleitt þrír dagar í senn frá hádegi til hádegis, en þó í einstaka hollum tveir dagar og nú einnig stakir dagar yfir veiðitímabilið sé þess óskað.

Daglegur veiðitími: Daglegur veiðitími kl. 7-13 og kl. 15-21 eftir hádegi. Brottfarardag síðasta morguninn skal ljúka veiðum kl. 12:00.

Fjöldi stanga: Leyfðar eru 6 stangir.

Verð: Stöng á dag á bilinu 30.000 – 50.000 kr.

Veiðireglur: Eingöngu er leyfð fluguveiði í júlí og ágúst, en annað agn er einnig leyft í september. Skylt er að sleppa aftur öllum löxum 70 cm og stærri eða setja í klakkistur. Leyfilegt er að hirða einn laxa á stöng á dag undir þeim mörkum en öðrum skal sleppt.

Vinsælar flugur: Svört Frances, Rauð Frances, Friggi, Black and Blue, Snælda, Sunray Shadow.

Veiði síðastliðið ár: 74 laxar.

Umsjónarmaður/veiðivörður: Sigurður Staples (Súddi) Sími 660 6894 og 475 6776.

Fjarlægð frá Reykjavík: 609 km

Akstur: Um 7 klst og 30 mín

Fjarlægð frá Egilsstöðum: 80 km

Akstur: Um 1 klst