Veiðihús fyrir Hrútafjarðará er í landi Bálkastaða neðarlega í ánni að austanverðu á milli Síkár og gamla Staðarskála. Fjögur tveggja manna herbergi eru í húsinu sem eru uppábúinn og með handklæðum við komu veiðimanna sem mega koma um og eftir kl. 14 á komudegi. Því geta átta manns gist í veiðihúsinu. Tvö baðherbergi með sturtu, sérstakt vöðlu-og þurrkherbergi og fiskmóttaka eru í húsinu. Gott eldhús og stofa með stórum arinn setur mikinn svip á allt húsið. Stór verönd með grilli er við húsið. Og nú komið á sauna á veröndina, þar með er öll aðstaða enn betri og fer vel um veiðimenn er óhætt að segja í nýja saunahúsinu. Sturta hefur einnig verið sett upp við hliðina, frábært framtak hjá Veiðifélagi Hrútafjarðarár sem stóð fyrir þessum breytingum.  Þráðlaust internet er til afnota fyrir gesti. Veiðimönnum ber að þrífa húsið fyrir brottför en einnig er hægt að kaupa þá þjónustu ef samið er um það fyrirfram. Veiðimenn skulu hafa rýmt húsið kl. 13 á brottfarardegi.

Umsjónarmenn eru Brynjar í síma 865 7508 og Guðný í síma 846 0162.