Jökla
GJÖFUL LAXVEIÐIÁ ÁSAMT SMÆRRI HLIÐARÁM
Jöklan er búin að sanna sig sem ein besta laxveiðiá landsins og sumarið 2025 var engin undantekning á því. Stórar smálaxagöngur voru áberandi í júlí og ágúst og lofar það mjög góðu með miklar stórlaxagöngur fyrir komandi sumar. Lokatalan voru rúmlega 900 laxar og töluvert af sjóbleikju fékkst einnig úr hliðarám, sérstaklega Kaldá. Jökla er seld í tveggja, þriggja eða jafnvel fjögurra daga hollum og er skyldufæði í Veiðihúsinu Hálsakoti. En þó er boðið upp á staka daga seint á veiðitímabilinu án skyldugistingar og fæðis. Veiðitímabilið er frá og með 23. júní til 30. september sem laxveiðisvæði þó að silungur veiðist líka allt sumarið.
Laxastofn Jöklu er mikilli sókn og engin ástæða til annars en að vera mjög bjartsýnn með sumarið 2026 í Jöklu. Hliðarárnar Kaldá,Laxá og Fögruhlíðará eru líka að bæta sig síðsumars og er á hóflegu verði þá líka.
Glæsilegt veiðihús
Á bökkum Kaldár stendur nýlegt og stórglæsilegt veiðihús til afnota fyrir veiðimenn á Jöklusvæðinu. Það var byggt árið 2007 og býður upp á frábæra aðstöðu og er samtengt með verönd við fjögur smærri hús með átta tveggja manna herbergjum, hvert með sér baðherbergi og sturtu. Meginhúsið hefur upphitaða vöðlugeymslu, góðri setu- og borðstofu með arin, eldhúsi með öllum nauðsynlegum tækjum og skemmtilegri verönd að flatmaga á í hléinu og á góðviðrisdögum. Einnig er nýtt saunahús, pottur og arin á verönd og öll aðstaðan er fyrsta flokks er óhætt að segja. Rétt áður en komið er að brúnni yfir Kaldá er beygt til vinstri við afleggjara merktur Mássel (ef komið er að sunnan) og þá blasir veiðihúsið við. Fullt fæði og gisting kostar á bilinu kr. 40.000-50.000 á mann á dag og er þá boðið upp á fyrsta flokks fæði og þjónustu. Ef óskað er eftir er hægt að gera tilboð fyrir hópa. Ekki verður skyldugisting í september og holl geta einnig keypt þá eingöngu gistingu án fæðis ef þess er óskað.
Umsjónarmaður er Guðmundur Ólason í síma 660 6893
Myndbönd
Upplýsingar
Veiðisvæði: Jökla frá og með Skipalág og að og með Húsármótum ásamt Laxá til 6. ágúst. Eftir það bætast Kaldá og Fögruhlíðará við þetta veiðisvæði einnig. Svæðið er einnig tímabundið lengra um mitt sumar upp Jökuldalinn eða allt að Hjarðarhagabrú.
Tímabil: 23. júní – 30. september.
Veiðileyfi: Tveir til fjórir dagar í senn frá hádegi til hádegis og stakir dagar einnig mögulegir síðsumars frá morgni til kvölds.
Daglegur veiðitími: kl. 8-13 og
kl. 15-21 en í lok síðasta veiðidags er veitt til kl. 12 á hádegi.
Fjöldi stanga: Leyfðar eru 4-8 stangir
Verð: Stöng á dag á bilinu
kr. 50.000 – 290.000 kr.
Veiðireglur: Fluga er nú eingöngu leyfð og skylt er að sleppa öllum löxum 70 cm og stærri. Leyfilegt er þó að hirða einn lax á stöng á dag undir þeim mörkum í hverju holli og veiða og sleppa eftir það. Æskilegt er þó að öllum laxi sé sleppt enda eru góð uppeldissvæði á vatnasvæði Jöklu. Sjóbleikju frá 45 cm og stærri er skyllt að sleppa líka.
Vinsælar flugur: Rauð Frances, Svört Frances, Friggi, Sunray Shadow, Hitch tupes, Snælda og fl.
Veiði síðastliðin ár: 933 laxar og um 200 silungar aðallega sjóbleikja.
Umsjónarmaður/veiðivörður: Guðmundur Ólason í síma 6606893.
Fjarlægð frá Reykjavík: 660 km
Akstur: Um 7 klst og 40 mín
Fjarlægð frá Egilsstöðum:
Akstur: Um 40 mín