Á vef okkar www.strengir.is má nú sjá laus leyfi fyfir sumarið í Jöklu, Hrútafjarðará og Minnivallalæk. Bókanir eru góðar af fastakúnnum en þó má finna ýmislegt áhugavert á öllum svæðum ennþá.
Eins og áður hefur komið fram er eftirspurnin mikil í Jöklu fyrir komandi sumar. Þó má sjá lausar stangir í fyrrihluta hluta júlí og svo eftir miðjan ágúst. Veiðin hefur undanfarinn ár byrjað mjög vel í júní og einnig lítur vel út með stöðu Hálslóns sem er óvenju lág svo allur ágúst lítur mjög vel út til veiða án yfirfalls.

Einnig má benda á að svæðið Jökla og Fögruhlíðará á nokkuð af lausum dögum í júní og júlí í silungs og laxveiði á hóflegu verði.

Hrútafjarðará er með nokkur laus holl sem er óvenjulegt enda eru ár sem bjóða upp á gistingu án skyldufæðis alltaf mjög vinsælar. Líklegt er að þessi holl fari því fljótt og áhugasamir hafi því samband sem fyrst.

Perlan Minnivallalækur er alltaf vinsæll og júní er til dæmis að mestu fullbókaður en þó er ennþá töluvert laust á góðum tíma td. í júlí. Stutt að fara frá Reykjavík og glæsileg gisting í boði alveg á árbakkanum með heitum potti og frábæru útsýni yfir ánna og til fjalla.

Endilega hafið samband og hlakka til að heyra í ykkur.
Þröstur Elliðason